Naupang Pamphlet Zuk leh hmuam ah

VAIHLO LEH A KAIHHNAWIH
Vaihlo hi khawvela thihna thlentu langsar ber te zinga mi a ni a. A hmangtu 50% zet tihlumin, kum zabi 21-na chhung hian mihring vaibelchhia emaw laiin an thihphah rin a ni. Mei zu mi 80% lai hian kum 18 an tlin hmain an zu tan a, nitin hian thalai 80,000 atanga 100,000 zetin a ngawl an vei thar bawk. Hman tan hma poh leh sim a har lehnghal! Hetiang zela vaihlo hman hi kan ching chho zel anih chuan reilo te-ah naupang leh thalai maktaduai 250 zet nunna a laksak dawn a ni.India ram bikah pawh kum tin vaihlo kaihhnawih natna avangin kum tin mi maktaduai 8-9 zetin nun an chan thin a ni.
VAIHLOAH HIAN ENGE AWM?Vaihlo khu-ah hian “chemical” chi hrang hrang 4000 chuang a awm a. Heng zinga 60 aia tam mah te chu cancer thlen thei niin, Polynuclear Aromatic Hydrocarbons (PAHs), N-Nitrosamines, Aromatic Amines, Aldehydes, Benzene, Vinyl chlorides, Arsenic, Beryllium, Cadmium (battery siamna hmanrua), Lead (rawng siamna), Nickel leh Radioactive Polonium-210 te hi a hlauhawm zualte an ni. Boruak hlauhawm (poisonous gases) tam tham tak a awm bawk a. Hydrogen Cyanide (chemical weapon atana hman thin), Carbon monoxide (motor mei khu chhuahna atanga lo chhuak thin hi), Butane (gas lighter tuiah an pawlh thin), Ammonia (bathroom leh toilet tihfaina hlo) leh Toluene (rawng hnawihna thinner siamna hmanrua), Arsenic (rannung thahna hlo), Chromium (steel siamna hmanraw pakhat) te hi vaihlo khu-ah hian a awm vek a ni.
Thluakah-Ngawlveina Maxilla-Cancer Ka-Cancer Hrawk-Cancer Lung- Thisen Zam-TAO Cholesterol-é Inthlahchhawnna- pa theihlohna Naupai-Nauchhiat, LBW Ha leh tin bal Rim chhia Chuap-Ccancer, Asthma, Chronic Bronchitis, COPD, Tuberculosis Chaw kawng-Cancer Pumpui-Cancer
Engvangin nge kan tana tha lo hi kan la tih talh a, engvanga bum a awm reng nge kan nih? Vaihlo siam chhuak tu ten bumna hrang hrang hmangin min veh reng a, an thanga kan awh theihna turin itawm takin an thilsiam an tarlang a, mahse bumna vek a ni si. A tawpah chuan vaihlo hian thihna kotlang min pantir thin.
Hriselna nge vaihlo i thlan dawn le?
HriselnaVsVaihlo
Vaihlo thlen theih thenkhatte:
Thaw rimchhia/uihThawmhnaw, kut leh sam/hmul thlengin a ti rimchhiaTin leh ha balHmai vun a ti chuarHa ngetThawhah Thawkbuai

Vaihlo thlen theih natna dangte:
*Cancer chi hrang hrang- ka, chuap, hmui, lei, aw bawm, chaw dawt, phing, kal leh adangte. *Khuh benvawn leh chuap ro *Lung leh thisen zam natna *Inthlahchhawnna lamah1. Mipa tan pa theihlohna2. Hmeichhiaah ching/fa neih theih lohna3. Nau a thi sa a hrin4. Naupiang zang lutuk5. Thlakim lo a naupiang
Vaihlo hman hi intihchangkanna chi a ni lova, atna a ni. Intihhmuh thar leh hi a zahthlak a, a ti ve lo pawl a tel hi finna, changkanna leh hriselna a ni.
Vaihlo (zuk leh hmuam) do hi kan tih tur dik tak a ni a, mahni nunna humhimna mai bakah midang nun chhanna a ni tih hriain kan vaiin i tang rual ang u. Engemaw tal chu kan ti thei a ni tih hria ila, midang nunah a tha zawngin nghawng neih i tum ang u.Eng ang a tuam mawi pawh nise thihna tur a ni.